ৰঙা জীঞা
শর্মিষ্ঠা দেৱী,নগাঁও
ঠিকনাবিহীন এজাক ফিৰফিৰিয়া বতাহ
সোমাইছেহি মোৰ খিৰিকীৰে,
মোৰ কোঠাটিলে’।
এটি ৰঙা জীঞা হৈ উৰি যাবলৈ মন
তেওঁৰ কাষলৈ,
উমলাবলৈ মন মোৰ সপোন ফৰিং ।
অথচ
আপদীয়া বতাহজাকে
পুৰণি পাত দুখিলা উৰুৱাই
যেন ৰং চাইছে।
ঠিকনা থাকিও
কেকুৰিত হেৰাই যোৱা সপোনটোলৈ
বৰকৈ মনত পৰিছে।
এন্ধাৰৰ পিঠিত উঠি আহিবনে আকৌ
সেই পুৰণি সপোনটো –
মোৰই খিৰীকিৰ ফাকেৰে
চেঁচা বতাহ এছাটি বোৱাই দিবলৈ
মোৰ দেহৰ সীৰে সীৰে ??