এটি অনুভৱঃ
তুমি
মেৰী বৰদলৈ
নগাঁও,ফুলগুৰি
তুমি সুখী হ’ব
পৰাকৈ
এখন সোণসেৰীয়া আকাশ দিব
পাৰিছোঁনে নাই নাজানো মই
মই মাথোঁ তোমাক
সুখৰ জোনাকত
চাব বিচাৰোঁ৷
তুমি সুখী হ’ব
পৰাকৈ
তোমাৰ কপৌফুলীয়া ওঁঠযুৰিত
এটি হাঁহি আঁকিব
পাৰিছোঁনে নাই নাজানো মই
মই মাথোঁ তোমাৰ
কপৌফুলীয়া ওঁঠযুৰিত
এপাহি সুখৰ হাচনাহানা ফুলা
চাব বিচাৰোঁ৷
তুমি সুখী হ’ব
পৰাকৈ
তোমাৰ উশাহৰ গহনত এধাৰ
ভালপোৱাৰ গহনা পিন্ধাব
পাৰিছোঁনে নাই নাজানো মই
মই মাথোঁ তোমাৰ
উশাহৰ গহনত
সুখৰ এধাৰ বসন্ত ৰং
চাব বিচাৰোঁ!