হুমুনিয়াহ
বনজিত দাস
ৰিহাবাৰী, বজালী
আকাশত আঁকিম বুলি
বুকুৰ জঠৰতাৰ বন্যতা
লিখিলো শূন্যতা
ওপঙি থকা টোকোৰা বাহ
ঘেঘেৰে আৱৰা দুখৰ সঁফুৰা ।
ৰ’দে পোৰা বালিৰ তৰালি
বালিত জিলিকা হাঁহি
ওচৰত গ’লেই
দেখাতো পাব এখন মৰিশালি
মোৰেতু নদী ।
ৰিক্ততাৰ পথাৰতো
দেখা অলেখ ভাবৰ বুৰবুৰণি
সৌন্দৰ্যৰ ইপাৰ সিপাৰ
উদং হুমুনিয়াহ খিনি
বুকুত অঁকা ছবি ।নীড়মুখী পখীৰ ঠোঁটত গুজি
অৱকাশৰ কলিজাটো
ক’ত দিম ৰৈ
পৃথিৱীৰ ব—–ক্ষ—–দি উৰি ।