ইছৰোৰ পিএছএলভি-চি৫২ য়ে ২০২২ চনৰ প্ৰথম অভিযানত সফলতাৰে ৩টা উপগ্ৰহ উৎক্ষেপণ কৰে
ৰঙিলী বাৰ্ত্তাসেৱা- ২০২২ চনৰ প্ৰথম উৎক্ষেপণ অভিযান চিহ্নিত কৰি ভাৰতীয় মহাকাশ গৱেষণা সংস্থাৰ পৃথিৱী পৰ্যৱেক্ষণ উপগ্ৰহ ইঅ’এছ-০৪ আৰু দুটা সৰু উপগ্ৰহ ৰাতিপুৱা পিএছএলভি-চি৫২ ৰকেটৰ দ্বাৰা সফলতাৰে নিৰ্ধাৰিত কক্ষপথত স্থাপন কৰা হয়। ১,৭১০ কিলোগ্ৰাম ওজনৰ আৰু ১০ বছৰৰ মিছন জীৱনৰ সৈতে ইঅ’.এছ.-০৪ হৈছে সকলো বতৰৰ পৰিস্থিতিত উচ্চ মানদণ্ডৰ ছবি প্ৰদান কৰাৰ বাবে প্ৰস্তুত কৰা এক ৰাডাৰ ইমেজিং উপগ্ৰহ।মিছন কণ্ট্ৰোলত উল্লাসৰ মাজতে, উৎক্ষেপণ সঞ্চালকে ঘোষণা কৰে যে তিনিওটা উপগ্ৰহ সফলতাৰে মোতায়েন কৰা হৈছে। উৎক্ষেপণৰ পিছত, ইছৰোৰ মুৰব্বী এছ সোমনাথে কয়, “পিএছএলভি-চি52ৰ অভিযান সফলতাৰে সম্পূৰ্ণ হৈছে।”