৩১ অক্টোবৰৰ ভিতৰত ড্ৰাইভিং লাইচেঞ্চ, আৰচি, গাড়ীৰ পাৰমিট নৱীকৰণ বাধ্যতামূলক
অন্যথা ১ নৱেম্বৰৰ পৰা ভৰিব লাগিব জৰিমণা
ৰঙিলী বাৰ্ত্তাসেৱা – ৩১ অক্টোবৰৰ ভিতৰত ড্ৰাইভিং লাইচেঞ্চ,আৰচি,গাড়ীৰ পাৰমিট নৱীকৰণ বাধ্যতামূলক। যিসকলে এতিয়ালৈকে ডিএল, আৰচি আৰু গাড়ীৰ পাৰমিট নৱীকৰণ কৰা নাই তেওঁলোকে তাৎক্ষণিকভাৱে নৱীকৰণ কৰক। কেন্দ্ৰীয় পৰিবহণ মন্ত্ৰালয়ে শেহতীয়াকৈ ড্ৰাইভিং লাইচেঞ্চ, আৰচি আৰু গাড়ীৰ পাৰমিটৰ ওপৰত এক গুৰুত্বপূৰ্ণ সিদ্ধান্ত লৈছে।যিসকলে কৰ’না সময়ত বা কৰ’না সময়ৰ কেইদিনমান আগতে তেওঁলোকৰ ডিএল,আৰচি আৰু গাড়ীৰ পাৰমিট অনুমতি হেৰুৱাইছিল তেওঁলোকক নৱীকৰণৰপৰা ৰেহাই দিয়া হৈছিল।কিন্তু এতিয়া ৩১ অক্টোবৰৰ ভিতৰত এইবোৰৰ নৱীকৰণ কৰাটো বাধ্যতামূলক কৰা হৈছে।যিসকলে ৩১ অক্টোবৰৰ ভিতৰত ডিএল, আৰচি আৰু গাড়ীৰ পাৰমিট নৱীকৰণ নকৰে তেওঁলোকক নতুন মটৰ বাহন আইনৰ অধীনত জৰিমনা বা শাস্তি দিয়া হ’ব পাৰে।