এছিয়ান গেমছত ৰূপৰ পদক অৰ্জন লাভলিনা বৰগোহাঁইৰ
ৰঙিলী বাৰ্ত্তাসেৱা– চীনৰ হাংঝৌত অনুষ্ঠিত এছিয়ান গেমছ ২০২৩ৰ মহিলাৰ ৭৫ কিলোগ্ৰাম বক্সিঙৰ ফাইনেলত ৰূপৰ পদক অৰ্জন ভাৰতৰ। লাভলিনা বৰগোহাঁইয়ে চীনৰ লি কিয়ানৰ বিৰুদ্ধে ফাইনেলত প্রতিদ্বন্দ্বিতা কৰে। এই যুঁজত লাভলিনা বৰগোহাঁইক লি কিয়ানে পৰাস্ত কৰে। এছিয়ান গেমছৰ মহিলা বক্সিং প্ৰতিযোগিতাৰ ৭৫ কেজি শাখাত প্ৰতিদ্বন্দিতা আগবঢ়াইছিল লাভলীনাই।উল্লেখ্য যে, মঙলবাৰৰ দিনটোত লাভলীনাই থাইলেণ্ডৰ প্ৰতিদ্বন্দ্বীৰ বিৰুদ্ধে জয়ী হৈ এছিয়ান গেমছৰ বক্সিং প্ৰতিযোগিতাৰ ফাইনেলত প্ৰৱেশ কৰিছিল। আৰু ইয়াৰ সমান্তৰালভাবে পেৰিছ অলিম্পিকলৈ যোগ্যতা অৰ্জন কৰিছিল অসম কন্যাগৰাকীয়ে।