শ্ৰীলংকাক পৰাস্ত কৰি ছেমি ফাইনেলত প্ৰৱেশ ইংলেণ্ডৰ

Pc NDTV.sports

শ্ৰীলংকাক পৰাস্ত কৰি ছেমি ফাইনেলত প্ৰৱেশ ইংলেণ্ডৰ

ৰঙিলী বাৰ্ত্তাসেৱা-  টি-২০ বিশ্বকাপৰ ৩৯ সংখ্যক খেলত ইংলেণ্ডৰ দলটোৱে শ্ৰীলংকাক পাঁচ উইকেটত পৰাস্ত কৰে। টছত জয়ী হোৱাৰ পিছত প্ৰথমে বেটিং কৰি শ্ৰীলংকাৰ দলটোৱে ইংলেণ্ডৰ সন্মুখত ১৪২ ৰাণৰ লক্ষ্য নিৰ্ধাৰণ কৰে। এলেক্স হেলছ (৪৭) আৰু বেন ষ্টোকছ (৪৪ নট আউট)ৰ সৌজন্যত ইংলেণ্ডৰ দলটোৱে ২০ তম অভাৰত এই লক্ষ্য প্ৰাপ্ত কৰে।এই বিজয়ৰ সৈতে ইংলেণ্ডৰ দলটো ছেমি ফাইনেলত প্ৰৱেশ কৰে।একে সময়তে, ইংলেণ্ডৰ বিজয়ে ডিফেণ্ডিং চেম্পিয়ন অষ্ট্ৰেলিয়াক টি-২০ বিশ্বকাপৰ পৰা বাহিৰ কৰি দিয়ে। অধিনায়ক জছ বাটলাৰ আৰু অপেনাৰ এলেক্স হেলছে ইংলেণ্ডৰ হৈ এটা সুন্দৰ আৰম্ভণি কৰিছিল। বাটলাৰক ২৮ ৰাণত ৱানিন্দু হাচাৰাঙ্গাই বিদায় দিয়ে। ইয়াৰ ঠিক পিছতে হেলছকো হাচাৰাঙ্গাই এলবিডব্লিউ আউট কৰে। এসময়ত হেৰী ব্ৰুক (৪), লিয়াম লিভিংষ্টোন (৪) আৰু মইন আলী (১) আউট হোৱাৰ পিছত সমস্যাত পৰিছিল। অৱশ্যে, বেন ষ্টোকছে দলটোক বিজয় প্ৰদান কৰে।