প্ৰাক্তন বিষয়া সুবোধ ৰঞ্জন শ্যামৰ মৃত্যু
ৰঙিলী বাৰ্ত্তাসেৱা- সুবোধ ৰঞ্জন শ্যামৰ ১৫ অক্টোবৰত গুৱাহাটীত মৃত্যু হয় ৷ মৃত্যুৰ সময়ত তেওঁৰ বয়স আছিল ৮৭ বছৰ। তেওঁৰ জন্ম হৈছিল সুনামগঞ্জত, পূৰ্বৰ শ্বাইলেট ডিভিজনৰ।তেওঁ শিলচৰৰ জিচি কলেজৰ পৰা ইংৰাজীত অনাৰ্ছ লৈ স্নাতক ডিগ্ৰী সম্পূৰ্ণ কৰাৰ পাছত গুৱাহাটী বিশ্ববিদ্যালয়ৰ পৰা ইংৰাজী বিষয়ত স্নাতকোত্তৰ ডিগ্ৰী লাভ কৰিছিল। কাছাৰৰ লখিপুৰৰ এখন বিদ্যালয়ত শিক্ষক হিচাপে প্ৰথম চাকৰি গ্ৰহণ কৰে। তাৰ পাছত অলপ সময়ৰ বাবে তেওঁ শিলচৰস্থিত একাউণ্টেণ্ট জেনেৰেল এজিৰ কাৰ্যালয়ত যোগদান কৰে। এজিৰ কাৰ্যালয়ত কিছুদিন কাম কৰাৰ অন্তত তেওঁ অসম অসামৰিক সেৱা (এচিএছ)ত ক্লিয়াৰ কৰে। এচিএছ বিষয়া হিচাপে তেওঁ বিভিন্ন গুৰুত্বপূৰ্ণ পদত কাৰ্যনিৰ্বাহ কৰিছিল৷তেওঁ চক্ৰ-জিলা পৰ্যায়ৰ লগতে দিছপুৰস্থিত অসামৰিক সচিবালয়তো কাম কৰিছাল।সুবোধে ১৯৯৩ চনত অসমৰ ৰাজ্যিক লটাৰী সঞ্চালক হিচাপে অৱসৰ গ্ৰহণ কৰে৷ সুবোধ ৰঞ্জন শ্যাম এজন অতি আপ-ৰাইট আৰু আন্তৰিক বিষয়া আছিল আৰু শৃংখলাবদ্ধ জীৱন যাপন কৰিছিল। তেওঁৰ দৃঢ় সিদ্ধান্ত গ্ৰহণৰ ক্ষমতাৰ বাবে তেওঁ সহকৰ্মী আৰু বন্ধুসকলৰ মাজত সুপৰিচিত আছিল। তেওঁ এজন পুত্ৰ, যি গুৱাহাটী উচ্চ ন্যায়ালয়ৰ বহা ন্যায়াধীশ, এজনী কন্যা, যি আমেৰিকাৰ কেলিফৰ্ণিয়াৰ স্থায়ী বাসিন্দা আৰু তেওঁলোকৰ নিজ নিজ পত্নীৰ লগতে চাৰিজন নাতিসহ অনেক গুণমুগ্ধক এৰি যায়৷