দীপাৱলী
বনজিত দাস,ৰিহাবাৰী, বজালী
দীপাৱলীৰ পোহৰে
গোটেই জগত পোহৰ হ’লেই
ভালেই আছিল,
পোহৰেৰে জিলিকাই, পাহৰাই দুখৰ বন্যা ।
যি পোহৰে বাট দেখুৱাই জাতিক
জ্ঞানৰ বন্তি ।
মুখাৰ আঁৰৰ মুখা আতৰাই
কোনে সজাব
পোহৰৰ এগচি চাকি ।
অন্ধ ৰজাৰ ৰাজসভাত
কোনে জ্বলাব
পোহৰেৰে উদ্ভাসিত বন্তি ?
ন্যায়ৰ সভাত
অসহায়ৰ আৰ্তনাদ
ক’ত দ্ৰুপদীৰ কৰুণ চিৎকাৰ ।
জ্বলাই পোহৰৰ উৎসৱ
ভিতৰত বিবেকৰ পৰাজয় —
চাকি জ্বলিলেই পোহৰ নহয়
মানুহৰ মনত জ্বলক
সত্য আৰু ন্যায়ৰ অক্ষয় জ্যোতি
জগত উজলাই ।