ৰাধাগোবিন্দ বৰুৱা মহাবিদ্যালয়ত মত বিনিময় অনুষ্ঠান
ৰঙিলী বাৰ্ত্তাসেৱা- ৰাধাগোবিন্দ বৰুৱা মহাবিদ্যালয়ৰ আভ্যন্তৰীণ মান নিশ্চিতকৰণ কোষৰ উদ্যোগত আজি মিজোৰাম বিশ্ববিদ্যালয়ৰ প্ৰাধ্যাপক জাংখঙাম ডুংগেলৰ সৈতে এটি মত বিনিময় অনুষ্ঠান অনুষ্ঠিত হয়৷নেকৰ মূল্যায়ন দলৰ সদস্য তথা মিজোৰাম বিশ্ববিদ্যালয়ৰ আইকিউএচিৰ সঞ্চালক ডুংগেলে বিভিন্ন মহাবিদ্যালয়ৰ মূল্যায়ন দলৰ সদস্য হিচাপে লাভ কৰা অভিজ্ঞতা বৰ্ণনা কৰে৷লগতে সাম্প্ৰতিক পৰিস্থিতিত উচ্চ শিক্ষাৰ শিক্ষানুষ্ঠানবোৰে লবলগা ভূমিকা তথা কৰ্তব্যৰ বিষয়ে আলোকপাত কৰে৷অনুষ্ঠানত মহাবিদ্যালয়ৰ অধ্যক্ষ ড° ববিতা চৌধুৰীকে ধৰি শিক্ষক উপস্থিত থাকি তেওঁৰ সৈতে নেকৰ মূল্যায়ন প্ৰসংগত মত বিনিময় কৰে৷অনুষ্ঠানটো আঁত ধৰে মহাবিদ্যালয়ৰ আইকিউএচিৰ সমন্বয়ক ৰূপম হাজৰিকাই৷