বৰষুণ – ইভা গন্ধীয়া ফুকন

PC- adobe stock
বৰষুণ
ইভা গন্ধীয়া ফুকন
জিৰ জিৰ বৰষুণত
মাতাল হৃদয়ত সপোনৰ বুৰবুৰণি
উগ্ৰ বুভুক্ষাত জ্বলি পুৰি দেই যোৱা
সঞ্চিত অপূৰণ প্ৰকাশৰ আশা
অশ্ৰুসিক্ত বেদনাই সমাধান বিচাৰে
প্ৰচণ্ড গাজনীয়ে বিচাৰে
আলিংগনৰ সুবাস
সেইহে জাগে আগ্নেয়গিৰি সন্মুখিত
লেলিহান প্ৰপাত
নিশা বৰষুণৰ টোপালে জাগ্ৰত কৰে দুনয়ন
বৰষুণৰ লহৰে লহৰে
জীৱনৰ বিননি বিনায়
উজ্জীৱিত আশাৰ ৰেঙণি
জেকা জেলুকীয়া শেলুকীয়া বোকাতেই
জহি পমি যায়
অনামিকাৰ কবিতাই
ফুলৰ মালা চিঙি ভাঙি
সোণ হীৰা কেৰুমণি দলিয়াই
বিভৎস দিঠকত সি ছন্দ হেৰুৱাই
বেদনাৰ পীড়নত বেসুৰীয়া সুৰৰ বিননি
বৰষুণৰ টোপালে মলান পেলায়।