প্ৰাক্তন অৰ্ধসামৰিক বাহিনী সন্থাৰ সংবাদ মেল
ৰঙিলী বাৰ্ত্তাসেৱা- অসম ৰাজ্যত অৰ্ধসামৰিক বাহিনী কল্যাণ ব’ৰ্ড গঠনৰ দাবী তুলিছে অৰ্ধসামৰিক কল্যাণ ব’ৰ্ড সন্থাই৷ দিছপুৰ প্ৰেছ ক্লাবত অনুষ্ঠিত সংবাদ মেলত সন্থাৰ মুখ্য সমন্বয়ক কিৰণ পাল সিঙে কয়-ভাৰতৰ চুক-কোণৰ পৰা অৰ্ধসামৰিক বাহিনীৰ জোৱানসকলে ৰে’লযোগে যাত্ৰা কৰে৷ যিদৰে সেনা জোৱানসকলে কৰে, ভাৰত চৰকাৰৰ দ্বাৰা, ৰে’লৱে ষ্টেচনত সামৰিক নিয়ন্ত্ৰণ বিষয়াৰ (এম চি অ’) কাৰ্যালয় আছে আৰু তেওঁ নিজৰ সেনা জোৱানৰ যাতায়ত নিৰীক্ষণ কৰে৷ সেই সৈনিকজনে এটা ষ্টেচনৰ পৰা আন এটা ষ্টেচনলৈ নাযায়, তেতিয়ালৈকে প্ৰতিটো ষ্টেচনতে সেনাৰ সহায় পোৱাৰ সম্ভাৱনা থাকে।কিন্তু ১৯৫০ চনৰ পৰা এতিয়ালৈকে এই অৰ্ধসামৰিক বাহিনীৰ জোৱানসকলৰ ওচৰলৈ ৰে’ল যাতায়ত আহিলেও ভাৰত চৰকাৰে সতি-সন্ততিৰ দৰে ব্যৱহাৰ কৰি আহিছে৷আনহাতে এইটো এটা সৰু কামহে৷আৰ্মীবোৰে যিখিনি সুবিধা পাই আহিছে অৰ্ধসামৰিক বাহিনীয়ে সেইখিনি সুবিধাৰ পৰা বঞ্চিত হৈ আহিছে৷আৰ্মীৰ কেন্টিনত বয় বস্তু সামগ্ৰী ক্ৰয় কৰাৰ সময়ত ৰেহাই মূল্যত কিনিব পাৰে যদিও অৰ্ধসামৰিক বাহিনীৰ লোকে সেই সুবিধা নাপায়৷ঠিক তেনেদৰে ২০০৪ চনৰ পৰা পেন্সনৰ সুবিধা নাপায়৷অৰ্ধসামৰিক বাহিনীৰ জোৱানসকলেও অসম ৰাজ্যত শ্বহীদ সন্মান নিধি আৰু আঁচনিত সেনাবাহিনীৰ সমান হোৱাৰ অধিকাৰ লাভ কৰিব লাগে৷ এনকাউণ্টাৰৰ সময়ত যদি আমাৰ অৰ্ধসামৰিক বাহিনী চিএপিএফৰ জোৱান পংগু হৈ পৰে, তেওঁলোক বেয়াকৈ আঘাতপ্ৰাপ্ত, ক্ষতিগ্ৰস্ত হয় আৰু অৱসৰ লোৱাৰ পাছত এইসকল আমাৰ জোৱান আৰু বিষয়াসকল নিঃস্ব হৈ পৰে, তেন্তে আসাম ছাচ জোৱানছৰ হৈ বিনামূলীয়াকৈ থকাৰ ব্যৱস্থা কৰা উচিত৷আনহাতে ৰাজ্য চৰকাৰ আৰু তেওঁলোকৰ সন্তানক বিনামূলীয়া শিক্ষাৰ ব্যৱস্থা ৰাজ্য চৰকাৰে কৰিব লাগে।