“নৈপৰীয়া দুখ”
মুন শৰ্মা,লখিমপুৰ
আহিল বাৰিষা পৰিল বৃষ্টি হ’ব মহাকাল !
আহিব বান সোমাব পানী;
হ’ব বিপদাপন্ন নৈপৰীয়া জীৱন।
আপোন ঘৰৰ বিচ্ছিন্ন সিহঁত ;
আকাশৰ তলত আধাপেটীয়া সিহঁত।
এমুঠি অন্নৰ বাবে বিয়াকুল সিহঁত;
এটুপি জলৰ বাবে বলিয়া সিহঁত;
নোৱাৰি চাব সিহঁতৰ জীৱন ,
দুখ ভৰা সিহঁতৰ কৰুণ দৃশ্য তাৰ।
বাৰিষা আহিলে কাণত বাজে;
নৈপৰীয়া শিশুৰ হিয়া ভগা কান্দোন,
বাৰিষা আহিলে চকুত ভাঁহে;
নৈপৰীয়া লোকৰ অসহায় জীৱন ছবি ।
ডাঙৰ লোকৰ ডাঙৰ কথা..!
নোৱাৰে বুজিব সিহঁতে সিহঁতৰ কৰুণ গাঁথা।
কি পাপৰ ফল সিহঁতৰ
অভিশাপে আৱৰা এক ভয়ানক জীৱন।