নতুন বছৰ
এছ ইছলাম, শিক্ষক
পশ্চিম মইনবৰী, বৰপেটা
নতুন বছৰ চ’তৰ শেষত
আদৰি ল’বৰ হয়
প্ৰচণ্ড ধুমুহা বহাগ মাহত
প্ৰাণত লাগে ভয়।
বৰদৈচিলাৰ তৎপৰতাত
ধূলিময় হয় গোটেই জগত
গছ-গছনি ভাঙে প্ৰৱল ধুমুহাত
সকলোৰে মন আতংকিত ভয়ত।
নতুন বছৰৰ আগমনত
প্ৰাণ শীতল কুলিৰ মাতত
গছে গছে মেলে ন ন কুঁহিপাত
সঁজাৰ মইনাটি ঘনে লগায় মাত।
বিজুলী ঢেৰেকণিৰ চমকত
ভূ-পৃষ্ঠত সংঘটিত বজ্ৰপাত
কত জীৱ-জন্তুৰ প্ৰাণ হৰে
বিপদত মহাপ্ৰভুৰ নাম ধৰে।
খাল-বিল ডোঙা-ডুঙিবোৰে
বৰষুণৰ পানীৰে ভৰি পৰে
জলাধাৰত ভেকুলীবোৰে
প্ৰেম ৰাগিণীৰ সুৰ ধৰে।
ৰঙালী বিহু নতুন বছৰত
বিহু গীত গায় বিহু তলিত
ডেকা-গাভৰুৰ উতলা মন
প্ৰেমৰ মাদকতাই লব্ধ যৌৱন।