খেলো হোলী ৰঙতে ৰাঙলী হৈ
যমুনা দুলু বৈশ্য,শুৱালকুছি
ৰঙ বোৰ উৰিছে
পলাশৰ ডালে ডালে
এইয়া বসন্তৰ বেলা
স্নিগ্ধ জোনাক ৰাতি
বাউলী ৰাধাই বিচাৰি ফুৰে
কদমৰ তলে তলে কানাইক ।
প্ৰাণৰ হোলী আহিছে
ৰঙতে ৰাঙলী হৈ
মনৰ কলীয়া ডাৱৰ বোৰ যাব গুচি
প্ৰেমৰ আবিৰ সানিব অঙ্গে অঙ্গে
পলাশ মদাৰ শিমলুৰ ৰঙে
ফাগুন ফাগুন বুলি
ৰঙেৰে উপচাই ৰং চটিয়াব ।
ভৰা পূৰ্ণিমাৰ জোনাকৰ পোহৰত
আনন্দমনে গোপ-গোপীৰ সঙ্গে
ফল্গোৎসৱৰ ভক্তি ৰসত প্ৰীতিৰ
এনাজৰীৰে কৃপাময় কানাইৰ দৰ্শন পাব
ভকত বৈষ্ণৱৰ হৃদয়ে হৃদয়ে
হৰিনামৰ ধ্বনিত উজ্জ্বলি উঠিব
শ্ৰী শ্ৰী কৃষ্ণৰ দৌল যাত্ৰা ।