সূৰুয উঠাৰ পৰত
বিনীতা কলিতা কুমাৰ
শুৱালকুছি
সূৰুয উঠাৰ পৰত
আঘোণ মহীয়া পথাৰত
ঘণ কুঁৱলীৰ মাজেৰে
সোণগুটি ধাননিৰ ওপৰেৰে
লয়লাস ভংগীৰে
মধুৰ মূৰ্ছনা তুলি
জাকি মাৰি উৰি ফুৰা
চৰাইৰ জাকৰ
মনোমোহা দৃশ্যই
মন প্ৰাণ পুলকিত কৰে
সোণগুটি ধান পকিছে জানি
চৰাই বোৰে জাক পাতি আহি
গছে গছে উৰি ফুৰি
কল কাকলিৰে গান গাই সিহঁতে
ধাননি পথাৰ খন কৰিছে
অধিক সোন্দৰ্য্য ময়ী
কোন ডৰা ধাননিত পৰি
ধান খাব খুতি খুতি
নিয়ৰ কণা বোৰো আছে
ধানত মণি গঠা দি
পুৱাই আহে সিহঁতে
জাকি মাৰি উৰি
খাবলৈ বুলি সোণগুটি ধান
খুতি খুতি