অপৰাধ নিয়ন্ত্ৰণৰ ক্ষেত্ৰত আৰু এখোজ আগুৱালে অসম আৰক্ষী

অপৰাধ নিয়ন্ত্ৰণৰ ক্ষেত্ৰত আৰু এখোজ আগুৱালে অসম আৰক্ষী

ৰঙিলী বাৰ্ত্তাসেৱা-   এতিয়াৰে পৰা অপৰাধ কৰি সাৰি যাব নোৱাৰিব কোনো দাগী অপৰাধী । অপৰাধ নিয়ন্ত্ৰণৰ ক্ষেত্ৰত বিজ্ঞানসন্মতভাৱে আৰু এখোজ আগুৱালে অসম আৰক্ষী। ক্রিমিনেল প্রচিডিউৰ আইডেন্টিফিকেচন এক্ট-২০২২(Criminal Procedure Identification Act 202)ৰ অধীনত ৰাজ্যৰ প্ৰতিখন জিলাত স্থাপন কৰা হৈছে মেজাৰমেন্ট কালেকচন ইউনিট( Measurement Collection Unit), চমুকৈ এমচিইউ। এম চি ইউ সন্দৰ্ভত শুকুৰবাৰে চিআইডিৰ বিশেষ সঞ্চালক প্রধান মুন্নাপ্রসাদ গুপ্তাই কয় যে নতুন এই ব্যৱস্থাই ভুক্তভোগীসকলক শীঘ্রে ন্যায় প্ৰদান কৰাৰ লগতে আৰক্ষীৰ তদন্ত ব্যৱস্থাক এক নতুন গতি দিবলৈ সক্ষম হ’ব। তেওঁ কয় যে পূর্বতে কোনো অপৰাধীক গ্ৰেপ্তাৰ কৰাৰ পাছতে তেওঁৰ ফিংগাৰ প্রিণ্ট ৰখাৰ নিয়ম আছিল।কোনো অপৰাধ হ’লে মিলাই চাব পৰা যায় । এতিয়া সেইটো আৰু অধিক বহল কৰা হৈছে ।এম চি ইউৰ দ্বাৰা সৰ্বভাৰতীয় এটা ডাটা বেংক হ’ব । যিদৰে ফিংগাৰপ্ৰিণ্ট ৰখা হয় । ডি এন এ ডাটা বেংক তৈয়াৰ হ’ব । ক’ৰবাত অপৰাধ হ’লে আমি ডি এন এ ডাটা বেংকত ছাৰ্জ কৰিব পাৰিম । অপৰাধীক আমি ছাৰ্জ কৰিব পাৰিম । বৰ্তমানৰ ফিংগাৰপ্ৰিণ্ট ডাটাবেছৰ দৰেই এম চি ইউয়ে অপৰাধীৰ ৰেটিনা আৰু সম্পূৰ্ণ শৰীৰৰ ডাটা স্কেন কৰি কেন্দ্ৰীভূত ডিজিটেল ডাটাবেছত সংৰক্ষণ কৰিব । এই তথ্যসমূহ পিছত ভাৰতৰ যিকোনো ঠাইৰ পৰা লাভ কৰিব পৰা যায় । যাৰ ফলত আৰক্ষীয়ে যিকোনো অপৰাধমূলক গোচৰৰ সৈতে জড়িত তথ্যসমূহ দ্ৰুতভাৱে ক্ৰছ-চেক কৰিব পাৰে । এম চি ইউত সংযুক্ত চফ্টৱেৰে অপৰাধৰ সৈতে জড়িত অপৰাধীসকলৰ তৎক্ষণাত পৰীক্ষণ সক্ষম কৰে । যাৰ ফলত তদন্ত যথেষ্ট ক্ষীপ্ৰ হ’ব । অসমৰ সকলো জিলা সদৰত এই ব্যৱস্থা ৰূপায়ণ কৰা হৈছে । তেওঁ লগতে কয়, ‘‘গুৰুত্বপূৰ্ণ কথাটো হ’ল এম চি ইউয়ে মহিলা আৰু শিশুৰ বিৰুদ্ধে অপৰাধৰ সৈতে জড়িত অপৰাধীৰ ডি এন এ নমুনাও সংৰক্ষণ কৰিব । যাৰ ফলত সুৰক্ষা আৰু জবাবদিহিতা বৃদ্ধি পোৱাটো নিশ্চিত হ’ব । এই বৈজ্ঞানিক পদক্ষেপৰ জৰিয়তে অসম আৰক্ষীৰ লক্ষ্য হৈছে আইন প্ৰয়োগক শক্তিশালী কৰা আৰু কোনো পুনৰাবৃত্তিকাৰী অপৰাধীয়ে যাতে ন্যায়ৰ পৰা হাত সাৰিব নোৱাৰে ।