এইবাৰ বলীউডত আত্মপ্ৰকাশ ক্ৰিকেটাৰ শিখৰ ধাৱানৰ
ৰঙিলী বাৰ্ত্তাসেৱা- ভাৰতীয় ক্ৰিকেটাৰ শিখৰ ধাৱানে অভিনয়ৰ আৰম্ভণি কৰিছে।বছৰটোত যথেষ্ট জনপ্ৰিয়তা আৰু খ্যাতি অৰ্জন কৰা তাৰকা বেটছমেনজনে তেওঁৰ উৎকৃষ্ট বেটিং দক্ষতাৰ বাবে বলীউডত তেওঁৰ অভিনয় দক্ষতা প্ৰদৰ্শন কৰিবলৈ সাজু হৈছে।ভাৰতীয় ক্ৰিকেটাৰ শিখৰ ধাৱানে হুমা কুৰেছি আৰু সোণাক্ষী সিনহাৰ আহিবলগীয়া কমেডি ড্ৰামা ছবি ‘ডাবল এক্সএল’ৰ জৰিয়তে বলীউডত আত্মপ্ৰকাশ কৰিছে।চলচ্চিত্ৰখনত হুমা কুৰেছিয়ে মিৰাটৰ ক্ৰীড়া উপস্থাপক ৰাজশ্ৰী ত্ৰিবেদী আৰু দিল্লীৰ ফেশ্বন ডিজাইনাৰ ছাইৰা খান্নাৰ চৰিত্ৰত সোনাক্ষী সিনহাই অভিনয় কৰিছে। ইয়াত জাহিৰ ইকবাল আৰু তামিল-তেলেগু অভিনেতা মাহাত ৰাঘৱেন্দ্ৰও মুখ্য চৰিত্ৰত অভিনয় কৰিছে। যদিও ধাৱানে, পূৰ্ণকালীন চৰিত্ৰত অভিনয় নকৰিব, হুমাৰ বিপৰীতে ছবিখনত তেওঁৰ বিশেষ উপস্থিতি চাবলৈ আকৰ্ষণীয় হ’ব।ছবিখনৰ এটা নতুন দৃশ্যত হুমাক ৰঙা গাউন পিন্ধি থকা দেখা গৈছে আৰু তাৰকা বেটছমেনৰ সৈতে নৃত্য কৰি আছে।
