লক্ষ্ণৌৰ হোটেলত অগ্নিকাণ্ড
ৰঙিলী বাৰ্ত্তাসেৱা- সোমবাৰে পুৱা উত্তৰ প্ৰদেশৰ লক্ষ্ণৌৰ হজৰতগঞ্জ অঞ্চলৰ লেভানা হোটেলত সংঘটিত হোৱা এক গুৰুতৰ অগ্নিকাণ্ডৰ ফলত কমেও দুজন লোক নিহত হয় আৰু ১০ জন লোক গুৰুতৰভাৱে অগ্নিদগ্ধ হৈছে।কেইবাজনো লোক এতিয়াও আবদ্ধ হৈ থকাৰ আশংকা হোৱাৰ বাবে হোটেল লেভানাত উদ্ধাৰ অভিযান চলি আছে। উত্তৰ প্ৰদেশৰ মুখ্যমন্ত্ৰী যোগী আদিত্যনাথে ঘটনাটো লক্ষ্য কৰিছিল আৰু বিষয়াসকলক আহতসকলক চিকিৎসা প্ৰদান কৰিবলৈ নিৰ্দেশ দিছিল। “মুখ্যমন্ত্ৰীয়ে জিলা প্ৰশাসনৰ বিষয়াসকলক আহতসকলক সঠিক চিকিৎসা প্ৰদান কৰিবলৈ নিৰ্দেশ দিছে। ইয়াৰ লগতে জিলা দণ্ডাধীশ আৰু উচ্চপদস্থ আৰক্ষী বিষয়াসকলক তাৎক্ষণিকভাৱে ঘটনাস্থলীত উপস্থিত হ’বলৈ আৰু উদ্ধাৰ কাৰ্য ক্ষিপ্ৰ কৰিবলৈ নিৰ্দেশ দিয়া হৈছে,” মুখ্যমন্ত্ৰীৰ কাৰ্যালয়ৰ এক বিবৃতিত কোৱা হৈছে।