শান্তিৰ নবেল বঁটা বিজয়ী মালালা ইউছুফজাই বিবাহপাশত আৱদ্ধ
ৰঙিলী বাৰ্ত্তাসেৱা- এক্টিভিষ্ট আৰু নবেল শান্তি বঁটা বিজয়ী মালালা ইউছুফজাই ইংলেণ্ডৰ বাৰ্মিংহামত এক সৰু অনুষ্ঠানত বিবাহপাশত আৱদ্ধ হয়। ২৪ বছৰীয়া যুৱতীগৰাকীয়ে নিজৰ নিকাহ অনুষ্ঠানৰ ফটো ছচিয়েল মিডিয়াত পোষ্ট কৰি লিখিছিল, “এছাৰ আৰু মই জীৱনৰ অংশীদাৰ হ’বলৈ বিবাহপাশত আৱদ্ধ হৈছো।” “অনুগ্ৰহ কৰি আপোনাৰ প্ৰাৰ্থনা আমালৈ প্ৰেৰণ কৰক। আমি আগন্তুক যাত্ৰাৰ বাবে একেলগে খোজ কাঢ়িবলৈ উৎসাহিত,” মালালাই লগতে কয়।