তুমি আৰু মই
তোমাৰ দুচকুত অভিমানৰ বৃষ্টি
মোৰ হৃদয়ত প্ৰচণ্ড সাগৰৰ ঢৌ
সূৰ্যৰ ৰেঙনিৰে ৰঙীন তোমাৰ মুখ
মোৰ হৃদয়ত ফুলিছে এপাহি সূৰুযমুখী ফুল
দূৰ দূৰণিৰ পৰা ভাহি অহা
হিন্দী চিনেমাৰ ৰোমান্টীক গীতৰ
প্ৰতিটো কলিয়েও
দুচকুত উজ্বলাই তোলে
তোমাৰে প্ৰতিচ্ছবি
মোৰ বাবেই তুমি
তোমাৰ বাবেইটো মই
হাতত হাত থৈ
তুমি ওলমাই দিয়া
বিশ্বাসৰ চাবিৰে উন্মুক্ত হৈ
জীৱন পৃষ্ঠাত মৰম তুলিকাৰে
অংকন কৰিছো ন ন সপোনৰ ছবি
মৰুভূমি হবলৈ ধৰা হৃদয়খনতো
মেলিছে প্ৰেমৰ পোখালি
তুমিবিহীন মই
উশাহ থাকিও ক’মাত গতি কৰা
মাথোঁ এটি নিথৰ দেহ
ৰাতিৰ এন্ধাৰৰ তুমি জোন
মই স্নিগ্ধ জোনাক
তুমিয়ে মোৰ আত্মা
জীৱন জীয়াৰ লগৰি
হৃদয়ৰ সচাঁ অনুভূতি
মোহাইমিনুৰ ৰহমান
বেলশৰ