সুন্দৰৰ পূজাৰী আমি – এছ ইছলাম

PC - Wallpaper Flare
সুন্দৰৰ পূজাৰী আমি
এছ ইছলাম, বৰপেটা
সুন্দৰৰ পূজাৰী আমি
কৰোঁ পূজা বিভিন্ন ভংগিমাৰ
বিভিন্ন স্থানে বিভিন্ন ধৰমৰ।
প্ৰাৰ্থনা স্তুতি নাম গুণ কীৰ্তন
আকাৰ নিৰাকাৰ নৈশ ধ্যানে
গুপুত ৰহস্য থাকে মনে মনে।
মন্দিৰ মচজিদ গীৰ্জা নামঘৰ
আল্লাহ-ভগৱান গড ও ঈশ্বৰ
সৃষ্টিকৰ্তা এজন মূলতঃ সৃষ্টিৰ।
সৃষ্টিকৰ্তাৰ সৃষ্টি আমি শ্ৰেষ্ঠ জীৱ
কাকো নকৰিবা হীনমন্যতা
হিংসা-বিদ্বেষ পৰিহাৰ কৰিবা।
ঈশ্বৰৰ প্ৰভুত্ব সৰ্বজনবিদিত
তেঁৱে স্ৰজিলে সমস্ত জগত
চোৱা,বেদ-পুৰাণ কোৰাণ-ভাগৱত।