‘বেলবটম’ ছবিত অভিনয়ৰ বাবে ফ’ৰ্বছৰ সৰ্বশ্ৰেষ্ঠ বলীউডৰ অভিনেতাৰ তালিকাত অসম সন্তান আদিল হুছেইন
ৰঙিলী বাৰ্ত্তাসেৱা- আন্তঃৰাষ্ট্ৰীয় আগশাৰীৰ বাৰ্তালোচনী ফ’ৰ্বছৰ ২০২১ বৰ্ষৰ সৰ্বশ্ৰেষ্ঠ বলীউডৰ অভিনেতাৰ তালিকাত অসম সন্তান আদিল হুছেইনে স্থান লাব কৰিবলৈ সক্ষম হৈছে। শেহতীয়াকৈ মুক্তি লাভ কৰা ‘বেলবটম’ নামৰ হিন্দী ছবিখনত কৰা অভিনয়ৰ বাবে তেওঁক বিগত বৰ্ষটোৰ ৮জন শ্রেষ্ঠ অভিনতাৰ ভিতৰত স্থান প্ৰদান কৰিছে ফ’বছে।এই সন্দৰ্ভত ফ’বছত আদিল হুছেইনৰ বিষয়ে উল্লেখ কৰি এইদৰে কোৱা হৈছে— ‘এখন ছবিত মূল চৰিত্ৰত অভিনয় নকৰাকৈয়ে দৰ্শকৰ দৃষ্টি আকর্ষণ কৰাটো অত্যন্ত কঠিন। যি সময়ত মূল চৰিত্ৰত অক্ষয় কুমাৰৰ দৰে অভিনেতাই অভিনয় কৰে, তেতিয়া এই কাম অধিক কঠিন হৈ পৰে। কিন্তু এয়া সম্ভৱ কৰি তুলিছে আদিল হুছেইনে। ‘বেলবটম’ নামৰ ছবিখনত ভাৰতীয় চোৰাংচোৱা সংস্থাৰ মুৰব্বীৰ ছবিত অভিনয়েৰে তেওঁ এয়া সম্ভৱ কৰি তুলিবলৈ সক্ষম হৈছে।