দিব্যাংগ নাট্য বিদ্যালয়ত বিশ্ব দিব্যাংগ দিৱস উদ্যাপন
ৰঙিলী বাৰ্ত্তাসেৱা- বিশ্ব দিব্যাংগ দিৱস উপলক্ষে দিব্যাংগ নাট্য বিদ্যালয়ত আবেলিৰ ভাগত ছাত্ৰ ছাত্ৰী সকলক লৈ বিশ্ব দিব্যাংগ দিৱস উদযাপন কৰা হয়। স্কুলৰ অধ্যক্ষ ৰাজীৱ কুমাৰ সাউদে আঁত ধৰা আনুষ্ঠানত স্কুলৰ ছাত্র আকাশ বুঢ়াগোহাঁই যোগাসন, ৰিমজীম শইকীয়াই আৰু হাচিনা বেগমে কবিতা আবৃত্তি, জয় হাজৰিকা আৰু অংকিত বৰাই গীতাৰ বাদন, মাধুৰ্য তালুকদাৰ,অৰিন্দম গগৈ আৰু সাগৰিকা শৰ্মাই গীত পৰিৱেশন, তামান্না মহন্তই ফেছন শ্ব’, জুৰি ডেকাই কাৰাতে, কৌশিক ৰয় আৰু অংকন শৰ্মাই নৃত্য, পৰিৱেশন কৰে। অনুষ্ঠানত উপস্থিত থাকে দিব্যাংগ নাট্য বিদ্যালয়ৰ শিক্ষক বিশিষ্ট মৃৎ আৰু মুখা শিল্পী দেৱকান্ত হাজৰিকা আৰু নাট্যকাৰ, পৰিচালক চিত্ৰ শিল্পী বিনয় শৰ্মাৰ লগতে স্কুলৰ শিক্ষয়িত্ৰী জোনমণি ৰয় আৰু অভিভাৱক সকল।