ডিব্ৰুগড় চহৰৰ মাজ মজিয়াৰ পথৰ পৰা ছয়টি শিশু উদ্ধাৰ
এম হাছিম আলী,ৰঙিলী বাৰ্ত্তাসেৱা- শিশুশ্ৰম আৰু পথত বসবাস কৰা শিশুৰ বিৰুদ্ধে চলোৱা অভিযানৰ অংশ হিচাপে ৩ অক্টোবৰত ডিব্ৰুগড় জিলা পৰ্যায়ৰ টাস্ক ফ’ৰ্চে ৰংঘৰ প্লাজাৰ সমীপৰ এইচ এছ ৰোড অঞ্চলৰ পৰা ছয়টি শিশু উদ্ধাৰ কৰে।উদ্ধাৰ কৰা শিশুকেইটিক ডিব্ৰুগড়ৰ শিশু কল্যাণ সমিতিৰ সন্মুখত হাজিৰ কৰোৱা হয়। সমিতিয়ে শিশুকেইটিক যত্ন আৰু সুৰক্ষাৰ বাবে প্ৰেৰণা শিশু গৃহত ৰখাৰ ব্যৱস্থা কৰে। অভিযানটো জিলা প্ৰশাসনৰ অসুৰক্ষিত আৰু বিপদাপন্ন অৱস্থাত থকা শিশুসকলক চিনাক্ত কৰি তেওঁলোকৰ সুৰক্ষা, পুনৰ্বাসন আৰু প্ৰয়োজনীয় যত্ন নিশ্চিত কৰাৰ চলিত প্ৰচেষ্টাৰ অংশ।