তিনিআলিত প্ৰাইজমানী ফুটবলৰ চূড়ান্ত খেলত বাৰছু জয়ী
মিৰ্জা,ৰঙিলী বাৰ্ত্তাসেৱা- পলাশবাৰী সমষ্টিৰ অন্তৰ্গত তিনিআলি আঞ্চলিক যুৱ সমাজৰ উদ্যোগত দক্ষিণ কামৰূপ বিদ্যাপীঠ হাইস্কুল খেলপথাৰত অনুষ্ঠিত খগেন মহন্ত আৰু কৰুণা দাস সোঁৱৰণী আমন্ত্ৰণমূলক প্ৰাইজমানী ফুটবল প্ৰতিযোগিতাৰ চূড়ান্ত খেলত বাৰছুৰ ফুটবল দলে আৰু ৰাণী কোচিং চেণ্টাৰক ৩-২ গ’লৰ ব্যৱধানত পৰাস্ত কৰি বিজয়ী হয়। আজিৰ এই খেলখনি মুকলি কৰে বিশিষ্ট ব্যক্তি ড° ছাংৰাং ব্ৰহ্মই। উপস্থিত থাকে হিমাংশু শ্বেখৰ বৈশ্য,মুখ্য অতিথি হিচাপে কণ্ঠশিল্পী সীমান্ত শেখৰকে ধৰি যুৱ সমাজৰ প্ৰাক্তন সভাপতি নৰেশ্বৰ দাস, দক্ষিণ কামৰূপ ৰেফাৰী সন্থাৰ সভাপতি নাৰায়ণ চৌধুৰী,মঃ চিৰাজ আলীয়ে উপস্থিত থাকে।