ডিব্ৰুগড়ৰ চহৰীকটাত প্ৰাইজমনি প্ৰবীণ ফুটবল প্ৰতিযোগিতাৰ আয়োজন: বিজয়ী দলক ট্ৰফীসহ ২০ হাজাৰ, ১৫ হাজাৰকৈ
এম হাছিম আলী,ডিব্ৰুগড়,ৰঙিলী বাৰ্ত্তাসেৱা- ডিব্ৰুগড় জিলাৰ টিংখাং সমষ্টিৰ অন্তৰ্গত চহৰীকটা তৰুণ সংঘ পুথিভঁৰালৰ উদ্যোগত নৱম বাৰ্ষিক প্ৰাইজমনি আৰু ট্ৰফীসহ প্ৰবীণ ফুটবল প্ৰতিযোগিতাৰ আয়োজন কৰা হৈছে৷ চহৰীকটা ৰাজহুৱা খেলপথাৰত অনুষ্ঠিত হ’বলগীয়া এই খেলখন অহা ৯ (ন) নৱেম্বৰত শুভাৰম্ভ কৰা হ’ব৷ বিজয়ী দলে স্বৰ্গীয় হেমৰাজ আগৰৱালা আৰু ৰুক্মিণী আগৰৱালা সোঁৱৰণী ট্ৰফীসহ নগদ ২০ হেজাৰ টকা আৰু বিজিত দলটোৱে ভূৱন চন্দ্ৰ সোণোৱাল সোঁৱৰণী ট্ৰফিসহ নগদ ১৫ হেজাৰ টকা লাভ কৰিব৷ শ্ৰেষ্ঠ পৰিপাটি দলক ট্ৰফীসহ নগদ ৩,৫০০ টকা প্ৰদান কৰাৰ লগতে শ্ৰেষ্ঠ খেলুৱৈক ট্ৰফীসহ নগদ ১,০৫১ টকা প্ৰদান কৰা হ’ব৷ অংশগ্ৰহণত ইচ্ছুক দলসমূহক অহা ৫ (পাচঁ) নবেম্বৰৰ ভিতৰত ৯১০১৭০৭৭৭৩, ৬০০৩৩৯০৬৩৫ নম্বৰত যোগাযোগ কৰিবৰ বাবে উদ্যোক্তা অনুষ্ঠানটোৱে আহ্বান জনাইছে৷