কুলদা কুমাৰ ভট্টাচাৰ্যৰ মৃত্যুত ৰাইজৰ দলৰ শোক প্ৰকাশ
ৰঙিলী বাৰ্ত্তাসেৱা- নাটক আৰু চলচ্চিত্ৰৰ সুপ্ৰসিদ্ধ অভিনেতা, পৰিচালক, প্ৰখ্যাত অনাতাঁৰ শিল্পী তথা এগৰাকী প্ৰকৃত গণশিল্পী কুলদা কুমাৰ ভট্টাচাৰ্যৰ মৃত্যুত গভীৰ শোক প্ৰকাশ কৰিছে ৰাইজৰ দলে। এক শোকবাৰ্তাত দলৰ সভাপতি অখিল গগৈ, কাৰ্য্যকৰী সভাপতি ভাস্ক’ ডি শইকীয়া আৰু কবীন্দ্ৰ চেতিয়া ফুকনে কয় অসমীয়া সংস্কৃতিলৈ অনবদ্য অৱদান আগবঢ়োৱা কুলদা কুমাৰ ভট্টাচাৰ্য কেৱল নাটক আৰু চলচিত্ৰৰ সাংস্কৃতিক কৰ্মীয়ে নাছিল, তেওঁ এজন প্ৰগতিশীল চিন্তাৰ পণ্ডিতো আছিল। সমাজ সচেতন প্ৰগতিশীল সংস্কৃতিৰ ধ্বজাবাহী ভট্টাচাৰ্য্যৰ মৃত্যু অসমীয়া সংস্কৃতিৰ জগত খনৰ বাবে অপূৰণীয় ক্ষতি। ৰাইজৰ দলৰ তৰফৰ পৰা প্ৰয়াত ভট্টাচাৰ্যলৈ শ্ৰদ্ধাঞ্জলি জ্ঞাপন কৰাৰ লগতে শোক-সন্তপ্ত পৰিয়াল বৰ্গলৈ গভীৰ সমবেদনা জনাইছে৷