উপ- নিৰ্বাচনৰ বাবে ৯ গৰাকী প্ৰাৰ্থীৰ মনোনয়ন পত্র দাখিল
দিছপুৰ,ৰঙিলী বাৰ্ত্তাসেৱা- উপ-নির্বাচন অনুষ্ঠিত হ’বলগীয়া ৫টা বিধানসভা সমষ্টিৰ বাবে ৯গৰাকী প্রার্থীয়ে মনোনয়ন পত্র দাখিল কৰে। ১১নং ধলাই বিধানসভা সমষ্টিত ৪গৰাকী প্রার্থী, ৩১নং চিদলী বিধানসভা সমষ্টিত ১গৰাকী, ৩২নং বঙাইগাঁও বিধানসভা সমষ্টিত ২গৰাকী আৰু ৮৮নং চামগুৰি বিধানসভা সমষ্টিত ২গৰাকী প্রার্থীয়ে মনোনয়ন পত্র দাখিল কৰে। ইয়াকে ধৰি উপ-নিৰ্বাচনৰ বাবে আজিলৈকে সৰ্বমুঠ ১৪ গৰাকী প্রার্থীয়ে মনোনয়ন পত্র দাখিল কৰিছে। ৭৭নং বিহালী বিধানসভা সমষ্টিত আজি কোনো প্রার্থীয়ে মনোনয়ন পত্র দাখিল কৰা নাই। উল্লেখ্যযোগ্য যে উপ- নিৰ্বাচনৰ বাবে মনোনয়ন দাখিলৰ অন্তিম দিন ২৫ অক্টোবৰ, ২০২৪।