মুখ্যমন্ত্রী ড° হিমন্ত বিশ্ব শৰ্মা দেশৰ দ্বিতীয় সৰ্বাধিক জনপ্ৰিয় মুখ্যমন্ত্ৰী
ৰঙিলী বাৰ্ত্তাসেৱা- ইণ্ডিয়া টুডে’ৰ মুড অৱ দ্য নেচন প’লৰ মতে দেশৰ দ্বিতীয় জনপ্রিয় মুখ্যমন্ত্রী ড° হিমন্ত বিশ্ব শর্মা। ইণ্ডিয়া টুডে’ই দেশজুৰি চলোৱা সমীক্ষাত ৫০.৮ শতাংশই অসমৰ মুখ্যমন্ত্রী ড° হিমন্ত বিশ্ব শৰ্মাৰ পাৰদৰ্শিতাক লৈ সন্তুষ্টি ব্যক্ত কৰিছে। এই আধাৰতে গৃহ ৰাজ্যৰ ভিতৰতে সৰ্বাধিক জনপ্ৰিয় মুখ্যমন্ত্ৰী আৰু দেশৰ দ্বিতীয় জনপ্ৰিয় মুখ্যমন্ত্ৰী হিচাপে পৰিগণিত হৈছে মুখ্যমন্ত্ৰী ড° হিমন্ত বিশ্ব শৰ্মা। ফেব্ৰুৱাৰী মাহত ইণ্ডিয়া টুডে’ৰ সমীক্ষাত ড° হিমন্ত বিশ্ব শৰ্মাই ৪৮.৬ শতাংশৰ বিপৰীতে আগষ্ট মাহত ড° শৰ্মাৰ ৫০.৮ শতাংশলৈ উন্নীত হৈছে। ইপিনে, দেশৰ ভিতৰত প্রথম জনপ্রিয় মুখ্যমন্ত্রী হিচাপে স্থান লাভ কৰিছে ছিকিমৰ প্ৰেমসিং টামাঙে। ছিকিমৰ মুখ্যমন্ত্ৰীগৰাকীৰ কাম-কাজক লৈ ৫৫.৭ শতাংশই সন্তুষ্টি ব্যক্ত কৰিছে। লক্ষণীয় যে ২০২৪ৰ ফেব্ৰুৱাৰী মাহত টামাঙৰ ২৮ শতাংশ আছিল। বিগত কেইটামাহতেই টামাঙৰ জনপ্রিয়তা ৫৫.৭ শতাংশলৈ বৃদ্ধি হৈ দেশৰ জনপ্রিয় মুখ্যমন্ত্ৰীৰ তালিকাত শীর্ষস্থান লাভ কৰিছে।