গোলাঘাটৰ ফিদা চাদিয়া মাৰফৰ ৯৭ শতাংশ লাভ :অসমীয়া এশ শতাংশ 

এম হাছিম  আলী, গোলাঘাট, ৰঙিলী বাৰ্ত্তাসেৱা-  গোলাঘাটৰ বালিজান  ফেচোৱাল গাঁওৰ ফিদা চাদিয়া মাৰুফে সদ্যঘোষিত চিবিএচইৰ হাইস্কুল শিক্ষান্ত পৰীক্ষাত ৯৭ শতাংশ  লাভ  কৰি অঞ্চলটোলৈ গৌৰৱ কঢ়িয়াই আনিছে। তেওঁ গোলাঘাটৰ বিবেকানন্দ কেন্দ্ৰীয় বিদ্যালয়ৰ পৰা হাইস্কুল শিক্ষান্ত পৰীক্ষা দি ইংৰাজীত ৯২, অসমীয়াত  ১০০, অংকত ৯৭, বিজ্ঞানত ৯৯ আৰু সমাজ বিজ্ঞানত ৯৭ শতাংশৰে মুঠ পাঁচ শ নম্বৰৰ  ভিতৰত  ৪৮৫ নম্বৰ অৰ্থাৎ ৯৭ শতাংশ  লাভ কৰে।  চাদিয়া মাৰুফে প্ৰযুক্তি বিজ্ঞানৰ অতিৰিক্ত  বিষয়ত মুঠ  এশৰ ভিতৰত  ৯৬ শতাংশ লাভ কৰে।উল্লেখযোগ্য  যে অসমীয়াত তেওঁ এশৰ ভিতৰত এশ শতাংশই লাভ কৰি জিলাখনলৈ সুনাম কঢ়িয়াই আনে। বালিজান  ফেচোৱালৰ আবু চাহিদ আহমেদ আৰু জেবিন জিন্নত জাহানৰ একমাত্ৰ  কণ্যাৰ  এই সফলতাত সন্তোষ প্ৰকাশ কৰে।ভৱিষ্যতে এগৰাকী সফল চিকিৎসক হোৱাৰ  আশা পুহি বৰ্তমানে হোজাইৰ  আজমল চুপাৰ ফৰটিৰ মৰিয়ম কলেজত  নাম ভৰ্তি কৰিছে।