গোলাঘাটৰ জামুগুৰি আদৰ্শ জাতীয় বিদ্যাপীঠৰ উচ্চতৰ মাধ্যমিক চূড়ান্ত বৰ্ষৰ ফলাফলে আশাৰ বতৰা দিছে
মৃগাংক বৰুৱা, গোলাঘাট,ৰঙিলী বাৰ্ত্তাসেৱা- গোলাঘাটৰ জামুগুৰি আদৰ্শ জাতীয় বিদ্যাপীঠৰ উচ্চতৰ মাধ্যমিক চূড়ান্ত বৰ্ষৰ ঘোষণা হোৱা ফলাফলত ছাত্ৰ- ছাত্ৰীৰ সাফল্যই অঞ্চলটোলৈ আনন্দৰ ধল বোৱাইছে। সমগ্ৰ অঞ্চলটোৰ ভিতৰতে শিল্পী শিখা ভূঞাই ডিচটিংচনসহ ৮৯.৪ শতাংশ নম্বৰ লাভ কৰি গৌৰৱ কঢ়িয়াই আনিছে। ডিচটিংচন লাভ কৰা আন দুজন ছাত্ৰ- ছাত্ৰী ক্ৰমে ৰাজশ্ৰী দত্ত(৮৮.৪%), সাৰঙ্গ দত্ত (৮৫%)। উল্লেখ যে এই বিদ্যালয়ৰ পৰা ৯ গৰাকী ছাত্ৰ- ছাত্ৰীয়ে ষ্টাৰ নম্বৰ পাইছে। উত্তীৰ্নৰ হাৰ এশ শতাংশ। প্ৰথম বিভাগত ৩০ জন আৰু দ্বিতীয় বিভাগত ৮ গৰাকী উত্তীৰ্ণ হৈছে। স্মৰণ যোগ্য যে এই বিদ্যালয় খন হাই স্কুল শিক্ষান্ত পৰীক্ষাৰ ফলাফলতো জিলিকি উঠিছে। অঞ্চলতটিত জামুগুৰি আদৰ্শ জাতীয় বিদ্যাপীঠে শিক্ষাৰ ক্ষেত্ৰত এক শুভ প্ৰভাৱ পেলাইছে।