সত্যৰ সাৰথি ভগৱান
এছ ইছলাম, শিক্ষক, বৰপেটা
সত্যৰ সাৰথি স্বয়ং ভগৱান
মহাভাৰতৰ যুদ্ধখন,
ধৰ্মৰ জয় অধৰ্মৰ পৰাজয়
কুৰুক্ষেত্ৰৰ মহাৰণ।
অৰ্জুনৰ সাৰথি ভগৱান শ্ৰীকৃষ্ণ
অৰ্জুনৰ ৰথৰ চালক,
সৎ লোকৰ জীৱন যুদ্ধত
ভগৱানেই সহায়ক।
শত ভাই নিধন পঞ্চ ভাই ৰক্ষণ
জগতত ধৰ্মৰ কাৰণ,
গীতাত আছে জলন্ত প্ৰমাণ
ব্যতিক্রম নহয় কোৰাণ।
পাৰ্থিৱ জগতত সৰ্ব ধৰ্মৰ জয়
ভগৱান সহায়ক হয়,
সকলো ধৰ্মৰ সকলো গ্ৰন্থত
প্ৰমাণ জিলিকি ৰয়।