কছাৰীহাট শাখা সাহিত্য সভাৰ উদ্যোগত দুবৰিৰ দলিচাত শেৱালী শীৰ্ষক অভিনন্দন গ্রন্থ উন্মোচন, কৃতী শিক্ষক,লেখক ৰেৱকান্ত শইকীয়াক সম্বৰ্ধনা
ৰূপাংক বৰুৱা, গোলাঘাট,ৰঙিলী বাৰ্ত্তাসেৱা- কালি ইং-৩০/৭/২০২৩ তাৰিখ দেওবাৰে বিয়লি ১-৩০ বজাৰ পৰা কছাৰীহাট শাখা সাহিত্য সভাই কছাৰীহাট বালিকা উচ্চতৰ মাধ্যমিক বিদ্যালয়ৰ প্ৰেক্ষাগৃহত আয়োজন কৰা , কছাৰীহাটৰ বিশিষ্ট ব্যক্তি, শিক্ষাবিদ , সমাজকৰ্মী ,সংগঠক শ্ৰদ্ধাৰ শ্ৰীযুক্ত ৰেৱকান্ত শইকীয়া দেৱক অভিনন্দন, আৰু জিতেন ৰাজখোৱাই সম্পাদনা কৰা ‘দুবৰিৰ দলিচাত শেৱালি’ নামৰ অভিনন্দন গ্ৰন্থৰ উন্মোচন অনুষ্ঠান ৷ শ্ৰী উমা বৰাই সঞ্চালনা কৰা আৰু কছাৰীহাট শাখা সাহিত্য সভাৰ সম্পাদক মৃগাংক বৰুৱাই আঁতধৰা সভাখন বালিকা বিদ্যালয়ৰ ছাত্ৰী সকলে পৰিবেশন কৰা ‘চিৰ চেনেহী মোৰ ভাষা জননী ‘ গীতেৰে আৰম্ভ কাা হয় ৷ অভিনন্দন গ্ৰন্থখন এটা সুন্দৰ সাৰুৱা বক্তব্যৰে উন্মোচন কৰে গোলাঘাটৰ বিশিষ্ট সমাজকৰ্মী নিবন্ধকাৰ শ্ৰী অজিত বৰুৱাই ৷ সৰ্বশ্ৰী ক্ষীৰোদ কুমাৰ গোস্বামী , বন্তি বৰা , পূৰঞ্জয় গোস্বামী , সুৰেন্দ্ৰ মোহন হাজৰিকা , পলাশ জ্যোতি দত্ত আদি ভালে কেইজন গুণমুগ্ধই দুআষাৰকৈ কয় ৷ শ্ৰী যুত ৰেৱকান্ত শইকীয়াৰ প্ৰতি থকা শ্ৰদ্ধা , মৰম ভালপোৱাৰ বাবেই প্ৰায় দুশ শুভানুধ্যায়ীৰ উপস্থিতিয়ে সভাখন সফল কৰি তোলাৰ লগতে শাখাকো উৎসাহিত কৰে ৷ শাখাৰ সভাপতি দেৱ প্ৰসাদ বৰাই সকলোকে কৃতজ্ঞতা জনোৱাৰ লগতে , শলাগৰ শৰাই আগবঢ়াই ধন্যবাদ জ্ঞাপন কৰে ৷