তুমি বিহীনি ফাগুন
মিন্টু গোৱলা, লখিমপুৰ
ফাগুনী পছোৱা বতাহ জাকে
কিয় জানো দি গ’ল (?)
ফাগুন অহাৰ খৱৰ ।
পলাশ, শিমলু , মদাৰ ও এতিয়া
ফুলি উঠিছে , ফাগুনৰ খৱৰ পায়।
মোৰ উকা হিয়াখন আজি বৰ
অকলশৰীয়া ফাগুনৰ খৱৰ পায় ।
মনৰ ফাগুনীজনী আজি নাই যে কাষত
তাৰে বিষাক্ত তেজে মোক কৈ যায় বাৰে বাৰে
তুমি বিহীনি ফাগুন ।
হিয়াও উৰুঙা ফাগুনৰ লঠঙা
গছজোপাৰ দৰে
ফাগুনী পছোৱা বতাহ জাকে
সকলো উৰুৱাই নিলে ।
এতিয়া প্ৰতি পল মাথোঁ
তুমি বিহীনি ফাগুন ।