তপত হুমুনিয়াহ
কুঁৱলীৰ জাল ফালি পূবৰ ঢল পাত
সুৰুযে ভুমুকি মাৰে মোৰ মৰমী পঁজাত
মৰমৰ নিজৰা বয় পুৱতিৰ লগে লগে
মৰমৰ আকুল হৈ চেনেহ বিচাৰি।
দুৰণিত ৰিঙিয়াই পেঁপাৰ সুললিত মাত
সেই মাত শুনি দুৰণীৰ পক্ষী হৈ পৰে মতলীয়া।
নিয়ৰৰ দলিচাৰ মাজেদি
চেনেহীৰ আঁচলত ধৰি আকুল হৃদয়
চেনেহৰ আবৰণৰে ঢকা মনৰ বতৰা পাবলৈ।
জুখিব কিয় নো বিচাৰিছা তুমি
মোৰ মনৰ আকুলতা
অনুভৱৰে বুজিব নোৱাৰিলা
মৰম নদীৰ গভীৰতা
হৃদয়ৰ পৰা নিগৰিত তপত হুমুনিয়াহ।
বলিচৰত পৰিণত কৰি
ঝাঁও বনেৰে আৱৰি শেষ হ’ব নিদিবা
মৰম নদীৰ গভীৰতা।
ইকূল সিকূল বিচাৰি কিয় খোৱা হাবাথুৰি
নদীৰ মোহনাতে আছে দেখোন
দুয়োৰে ঠিকনাটি!!!!!
ইভা গন্ধীয়া ফুকন