টাটা গ্ৰুপৰ প্ৰাক্তন অধ্যক্ষ চাইৰাছ মিষ্ট্ৰীৰ পথ দুৰ্ঘটনাত মৃত্যু
ৰঙিলী বাৰ্ত্তাসেৱা- টাটা গ্ৰুপৰ প্ৰাক্তন অধ্যক্ষ চাইৰাছ মিষ্ট্ৰীৰ এটা পথ দুৰ্ঘটনাত মৃত্যু হয়৷ আৰক্ষীয়ে জনোৱা মতে, আহমেদাবাদৰ পৰা মুম্বাইলৈ এখন মাৰ্চিডিজ গাড়ীত মিষ্ট্ৰী আহি থাকোঁতে মহাৰাষ্ট্ৰৰ পালঘৰ জিলাত গাড়ীখনে এটা ডিভাইডাৰত খুন্দা মাৰে৷ আৰক্ষীৰ বিষয়াই কয়, ‘মিষ্ট্ৰী আহমেদাবাদৰ পৰা মুম্বাইলৈ আহি থাকোঁতে বিয়লি ৩-১৫ বজাত এই দুৰ্ঘটনা সংঘটিত হয়৷ গাড়ীখনত মুঠ চাৰিজন লোক আছিল। এই দুৰ্ঘটনাত মিষ্ট্ৰীসহ দুজন লোকৰ মৃত্যু হৈছে। দুৰ্ঘটনাৰ পিছত মিষ্ট্ৰীক চিকিৎসালয়লৈ লৈ যোৱা হয় যদিও তেওঁক মৃত বুলি ঘোষণা কৰা হয়।