কটহগুৰি মহাবিদ্যালয়ত অনা শিক্ষক কৰ্মচাৰীৰ প্ৰতিবাদী কাৰ্যসূচী
আদিলুৰ ৰহমান,টুকটুকী,ৰঙিলী বাৰ্ত্তাসেৱা- অসমৰ ৩৩খন মহাবিদ্যালয়ৰ অনা শিক্ষক কৰ্মচাৰীৰ প্ৰতিবাদী কাৰ্যসূচীৰ লগতে নগাঁও জিলাৰ কটহগুৰি মহাবিদ্যালয়তো ক’লা বেজ পৰিধান কৰি মহাবিদ্যালয়ৰ অনা শিক্ষক কৰ্মচাৰী সকলে প্ৰতিবাদী কাৰ্যসূচী গ্ৰহণ কৰে। আজি দিনৰ ১১ বজাত কটহগুৰি মহাবিদ্যালয়ৰ চৌহদত অনা শিক্ষক কৰ্মচাৰী সকলে হাতে হাতে প্লে-কাৰ্ড লৈ কৰ্মৰ নিৰীখত বেতন দিয়ক,২০১৩ চনৰ ধৰে সমহাৰত দৰমহা দিয়ক,আমাৰ প্ৰাপ্য প্ৰদান কৰক।আদি শ্ল গানেৰে মহাবিদ্যালয়ৰ চৌহদ কঁপাই তোলে। অসম স্নাতক মহাবিদ্যালয়ৰ অনা শিক্ষক কৰ্মচাৰী সন্থাৰ উদ্যোগত অনুষ্ঠিত হোৱা এই প্ৰতিবাদী কাৰ্যসূচীত কটহগুৰি মহাবিদ্যালয়ৰ সমূহ কৰ্মচাৰী উপস্থিত থাকি প্ৰতিবাদ সাব্যস্ত কৰে।