অসমীয়াৰ স্বাভিমান চেলেঙত ২৮ খন ৰাজ্যৰ ভাষা,প্ৰতীক চিহ্ন অংকন নগাঁৱৰ এগৰাকী চিকিৎসা বিজ্ঞানৰ ছাত্ৰীৰ এমাহ যোৰা কষ্টৰ ফল
ৰঙিলী বাৰ্ত্তাসেৱা- আনুষ্ঠানিক শিক্ষা অবিহনে অসমীয়াৰ স্বাভিমান চেলেঙত চিত্ৰ অংকন কৰি চৰ্চালৈ আহিছে নগাঁৱৰ এগৰাকী যুৱতী।এই চিত্ৰখন অংকন কৰিছে চিকিৎসা বিজ্ঞানৰ এগৰাকী ছাত্ৰীয়ে৷নগাঁৱৰ বিৰহ বেবেজীয়াৰ জ্যোতিকা দেৱীয়ে চেলেঙত অংকন কৰিছে ভাৰতৰ প্ৰতিখন ৰাজ্যৰ নিজৰ নিজৰ ল’গ’ আৰু জাতীয় প্ৰতীক।অসমীয়াৰ স্বভিমান চেলেঙত ৰং তুলিকাৰে ২৮ খন ৰাজ্যৰ ভাষা আৰু প্ৰতীক চিহ্ন অংকন কৰিছে৷এই বিশেষ চিত্ৰখনত মহাপুৰুষ শ্ৰীমন্ত শংকৰদেবৰ পৰা আৰম্ভ কৰি মহামানব মহাত্মা গান্ধী,অসমৰ কামাখ্যা মন্দিৰ,দেশৰ বিভিন্ন ঐতিহ্যাসিক স্থানকো অংকন কৰা হৈছে৷ছাত্ৰীগৰাকীয়ে “ভাৰত মাতা কি জয়“-শীৰ্ষক নামেৰে অংকন কৰা চিত্ৰখনৰ জৰিয়তে বিশেষকৈ ছাত্ৰ-ছাত্ৰীসকলে ভাৰতবৰ্ষৰ ২৮ খন ৰাজ্যৰ বিষয়ত সম্যক জ্ঞান আহৰণ কৰাত সুবিধা হ’ব৷চিত্ৰ অংকনৰ কোনো প্ৰশিক্ষণ নোলোৱা জ্যোতিকাই মেডিকেলৰ প্ৰবেশ পৰীক্ষা দি উঠি আজৰি সময়ত নিতৌ ৭ৰ পৰা ৮ ঘন্টাকৈ সময় অংকন কৰিছিল এই চিত্ৰ।এই চিত্ৰখনে ২৮ খন ৰাজ্যৰ বিচিত্ৰতাৰ মাজত একতাক প্ৰতিফলিত কৰিছে৷