২৮ এপ্রিলত “Career options after 10th and 12th” শীৰ্ষক কৰ্মশালা আয়োজন
গুৱাহাটী, ৰঙিলী বাৰ্ত্তাসেৱা- ডেভেলপমেণ্ট ডিজিটেলি গ্রুপ (Development Digitally Group) নামৰ ৱাটচআপ গোটৰ উদ্যোগত “Career options after 10th and 12th” শীৰ্ষক এখন বিনামূলীয়া অনলাইন কেৰিয়াৰ কৰ্মশালা ২৮এপ্রিলত সন্ধিয়া ৭.৩০ বজাত আয়োজন কৰা হৈছে । কৰ্মশালাখনত সমল ব্যক্তি হিচাপে উপস্থিত থাকিব ৰাজ্যখনৰ এগৰাকী আগশাৰীৰ কেৰিয়াৰ পৰামৰ্শদাতা তথা অসম ডন বস্ক’ বিশ্ববিদ্যালয় স্কুল অৱ টেকন’লজীৰ মেকানিকেল ইঞ্জিনিয়াৰিং বিভাগৰ মুৰব্বী ড° বুলজিৎ বুঢ়াগোহাঁই । গুগল মিটৰ যোগেদি অনুষ্ঠিত হ’বলগীয়া কৰ্মশালাখনত যোগদান কৰিবৰ বাবে ক’ড (code ) হ’ল ” xvj-eswb-zuz ” । এই কৰ্মশালাখনত আগ্রহী শিক্ষাৰ্থী তথা অভিভাৱকসকলেও অংশগ্রহণ কৰিব পাৰিব বুলি ‘ডেভেলপমেণ্ট ডিজিটেলি গ্রুপ’ গোটৰ প্রশাসক বিমল বৰাই জানিব দিছে ।