বিশিষ্ট সমাজসেৱক যোগেশ শইকীয়াৰ মৃত্যু
ৰঙিলী বাৰ্ত্তাসেৱা– উত্তৰ গুৱাহাটীৰ মধুপুৰ গাঁওৰ বিশিষ্ট সমাজ সেৱক ভাতৃ সম যোগেশ শইকীয়াৰ কালি পৰলোকপ্ৰাপ্তি ঘটে৷ উত্তৰ গুৱাহাটীৰ বহুতো অনুষ্ঠান , প্ৰতিষ্ঠানৰ লগত তেও প্ৰত্যক্ষভাৱে জড়িত আছিল। বিশেষকৈ মধুপুৰৰ শ্ৰী শ্ৰী গোপাল থান আৰু শ্ৰী শ্ৰী আউনীআটীয় সত্ৰৰ উত্তৰ গুৱাহাটীৰ শাখা সত্ৰৰো লগত ওত: প্ৰোতভাৱে জড়িত আছিল।তেওঁৰ এই অকাল মৃত্যুত অঞ্চলটোত এক শোকৰ ছাঁ পৰে৷তেওঁ সহজ-সৰল,অমায়িক স্বভাৱৰ লোক আছিল৷ উত্তৰ গুৱাহাটীৰ শ্ৰী শ্ৰী আউনীআটীয় শাখা সত্ৰৰ নাম যজ্ঞ কমিটীৰ হৈ তেওঁৰ আত্মাৰ চিৰশান্তিৰ কাৰনে ভগৱানৰ চৰণত প্ৰাৰ্থনা জনোৱাৰ লগতে শোকসন্তপ্ত পৰিয়াল বৰ্গলৈ সম বেদনা জ্ঞাপন কৰা হয়৷