প্ৰেমৰ অন্য এক নাম তুমি
যমুনা দুলু বৈশ্য,শুৱালকুছি
সুখৰ সংজ্ঞা বিচাৰি চলাথ নকৰিবা
মনৰ অনুভৱেৰে আঁজুৰি আনিবলৈ
অলপ সময়ৰ অপেক্ষা কৰা
হৃদয় খনতেই পাবা সেউজ সপোন ।
জোনাক বিচাৰি কলৈও নাযাবা তুমি
প্ৰতিশ্ৰুতিৰে নিদিবা আশা
সময় বৰ গতিশীল সঁচা মানৱতাতে পায়
মধুৰতাৰে গোন্ধৰে হেঁপাহৰ খৰিকাজাঁই ।
মুক্ত পখীৰ হৈ উৰিবলৈ
জীৱনৰ ঠিকনা বিচাৰি নহবা হতাশ
অতীতক পাহৰি নাযাওঁ বাবেই
প্ৰতিটো আবেলিক বান্ধিছো আঁচলৰ ঠিকনা ।
প্ৰেমৰ অন্য এক নাম তুমি
তৰাফুলৰ উজ্জ্বল জ্যোৎস্নাময়ী
ৰুণুজুন বাজে সন্ধ্যাৰাগত ন-ৰূপ
দিবলৈ ভাষা নাই উপলদ্ধি প্ৰত্যুত্তৰ ।
বৰ্তমানৰ তুলনাত সাৰ্থকতাৰ
গভীৰ,অবুজ ভাৱনাৰ সাথৰ বোৰৰ
সুদীৰ্ঘ দিগন্তৰ সন্ধানৰ আৰ্হিতে
কিছু জ্ঞান ,পোৱা নোপোৱাৰ অভিজ্ঞতা ।