হৰিনামেৰে মুখৰিত হ’ল মহানগৰীৰ বৃহত্তৰ কুমাৰপাৰা অঞ্চল
সহস্ৰাধিক ৰাইজ, সত্ৰাধিকাৰৰ উপস্থিতিত সত্ৰাধিকাৰ অভিষেক অনুষ্ঠান
ৰঙিলী বাৰ্ত্তাসেৱা- মহাপুৰুষ শ্ৰীমন্ত শংকৰদেৱ গুৰুজনাৰ সৃষ্টিৰাজিক বিশ্বমুখী কৰাৰ এক প্ৰচেষ্টাৰে কালি কুমাৰপাৰাৰ শ্ৰীশ্ৰী ৰাজহুৱা সত্ৰত আয়োজন কৰা হয় সত্ৰাধিকাৰ অভিষেক অনুষ্ঠান। উক্ত অনুষ্ঠানত সদ্য স্বীকৃতিপ্ৰাপ্ত শ্ৰীশ্ৰী ৰাজহুৱা সত্ৰৰ মুখ্য সেৱক সনাতন দাসক সত্ৰাধিকাৰ হিচাপে মাল্যৰ্পন কৰা হয়। অনুষ্ঠানত অসম সত্ৰ মহাসভাৰ সভাপতি তথা ৰামৰায় কুঠি সত্ৰশাল, ধুবুৰীৰ সত্ৰাধিকাৰ জিতেন্দ্ৰ নাথ প্ৰধানী, সম্পাদক প্ৰধান তথা কালশিলা সত্ৰ, মৰিগাঁওৰ সত্ৰাধিকাৰ কুসুম মহন্ত, হাটীসত্ৰ, শুৱালকুছিৰ সত্ৰাধিকাৰ ৰাজীৱ লোচন সন্ত, খেকাপাৰা সত্ৰ গোৱালপাৰাৰ সত্ৰাধিকাৰ কৰুণাকান্ত অধিকাৰী, আউনীহাটী সত্ৰ, বকোৰ সত্ৰাধিকাৰ থানেশ্বৰ দাস অধিকাৰী, শ্ৰীশ্ৰী চামগুৰি সত্ৰ, কলিয়াবৰৰ সত্ৰাধিকাৰ ধৰ্মেশ্বৰ গোস্বামী, বেঙাবৰা সত্ৰ, শ্ৰীশ্ৰী লেংটা সত্ৰ, দক্ষিণ কামৰূপৰ সত্ৰাধিকাৰ অখিল মহন্ত, কোৱামৰা সত্ৰ, শোণিতপুৰৰ সত্ৰাধিকাৰ গোপাল মহন্ত, শ্ৰীশ্ৰী বামাখাটা সত্ৰ, পাঠশালাৰ সত্ৰাধিকাৰ প্ৰমোদ অধিকাৰী, শ্ৰীশ্ৰী ৰাজহুৱা সত্ৰৰ সভাপতি থানেশ্বৰ মালাকাৰ, সম্পাদক মৃদুল কুমাৰ মেধি, অসম সত্ৰ মহাসভাৰ সাংগঠনিক সম্পাদক বিনয় কুমাৰ দাস, শ্ৰীশ্ৰী বাসুদেৱ সত্ৰৰ সত্ৰাধিকাৰ বনদ্বীপ ৰাভা, অসম সত্ৰ মহাসভাৰ সদস্য হৰিপ্ৰসাদ দাস, মুকেশ দত্ত গোস্বামী, মুকুল শৰ্মা,সন্তোষ বাংকা আৰু আনন্দ আয়াৰ উপস্থিত থাকে বুলি শ্ৰীশ্ৰী ৰাজহুৱা সত্ৰৰ কাৰ্যালয় সম্পাদক ডিম্পী ভৰালীয়ে জনায়। বন্তি প্ৰজ্বলন আৰু প্ৰাতঃ প্ৰাৰ্থনাৰে শুভাৰম্ভণি হোৱা উক্ত অনুষ্ঠানত পুৱা ৯ বজাত ভাগৱত শোভাযাত্ৰা আৰু হৰিনামেৰে মুখৰিত হয় বৃহত্তৰ অঞ্চলটো। শোভাযাত্ৰাত শুৱালকুছিৰ হাটীসত্ৰৰ ভক্তসকলে মনোৰম সাস্কৃতিক কাৰ্যসূচী ৰূপায়ন কৰাৰ উপৰিও অসমৰ ভিন্ন সত্ৰৰ গায়ন-বায়ন, আইমাতৃসকলে অংশগ্ৰহণ কৰে। আধ্যাত্মিক আৰু বৌদ্ধিক মহলৰ প্ৰায় সহস্ৰাধিক ব্যক্তিয়ে অংশগ্ৰহণ কৰা উক্ত অনুষ্ঠানটি পৰিচালনা কৰে সাংবাদিক কমল কুমাৰে।