অনুগল্প-
সংস্কাৰ
বিউটী হাজৰিকা, কলিয়াবৰ
ৰাহুল বৰ সম্ৰাট ঘৰৰ ল’ৰা। দেউতাক ৰঞ্জন তালুকদাৰ এজন সুদক্ষ অধ্যাপক। ৰাহুলে নিজ পচন্দ মতে যিমান পাৰে সিমানে জীৱনটো বিলাসী কৈ সজাই লৈছে। দেউতাকৰ পৰা যেনেকৈ পাৰে যিমান লাগে টকা পইচা লৈ নিচা যুক্ত দ্ৰব্য সেৱন কৰিবলৈ লৈছে। এদিন দুপৰীয়া দেউতাক ৰঞ্জন তালুকদাৰৰ লগৰ বিকাশ নামৰ অধ্যাপক জন আহিল কলিং বেল টো দুবাৰ মান বজোৱাৰ বাবে ৰাহুলে ক’লে “কাক বিচাৰি আহিছ্ তই ঘৰত কোনো নাই ভালে গুচি যা “। অতি সাধাৰণ পোচাক পৰিধান কৰা বিকাশ নামৰ অধ্যাপক জন যে তাৰ দেউতাকৰ লগৰ সি চিনি নাপালে। ৰাহুলৰ ব্যৱহাৰ কথা পিছ দিনা যেতিয়া বিকাশ চাৰে তালুকদাৰক ক’লে। তেওঁ অত্যন্ত লজ্জিত হ’ল তেতিয়া তেওঁ উপলদ্ধি কৰিলে যে তেওঁৰ ঘৰত সংস্কাৰৰ অভাৱ হৈছে যি বৰ্তমান বেমাৰৰ দৰেই ৰাহুলৰ ব্যৱহাৰত বিয়পি পৰিছে।