ডিব্ৰুগড় লেজাইত সাহিত্য সভা ভৱন মুকলি বিধায়ক চক্ৰ গগৈৰ
এম হাছিম আলী,ডিব্ৰুগড়,ৰঙিলী বাৰ্ত্তাসেৱা- ডিব্ৰুগড় জিলা সাহিত্য সভাৰ অন্তগৰ্ত লেজাই শাখা সাহিত্য সভাৰ নতুন ভৱনৰ দুৱাৰ মুকলি অনুষ্ঠান অনুষ্ঠিত হৈ যায়। বিধায়কৰ এলেকা উন্নয়নৰ দুই লাখ টকা পুঁজিৰদ্বাৰা লেজাই শাখা সাহিত্য সভাৰ নৱ নিৰ্মিত গৃহটিৰ আনুষ্ঠানিক ভাবে আজি (২৫-৬-২৪)দ্বাৰ মুকলি কৰে নৱগঠিত খোৱাং সমষ্টিৰ বিধায়ক চক্ৰধৰ গগৈয়ে। এই উপলক্ষে লেজাই শাখা সাহিত্য সভাৰ সভাপতি শিক্ষা গগৈৰ সভাপত্বিত এখনি সভা অনুষ্ঠিত হয়। লেজাই শাখা সাহিত্য সভাৰ সম্পাদক অৰূপ শইকীয়াই আঁতধৰা সভাত ডিব্ৰুগড় জিলা সাহিত্য সভাৰ উপ-সভাপতি ভদ্ৰেশ্বৰ গগৈ, প্ৰাক্তন সভাপতি ক্ৰমে কৃষ্ণ বৰা, জয়ৰাম দিহিঙ্গীয়া, বিহু সুৰক্ষা মঞ্চৰ ডিব্ৰুগড় জিলা সভাপতি পীতাম্বৰ দিহিঙ্গীয়াকে প্ৰমূখ্য কৰি বহুকেইগৰাকী সাহিত্যপ্ৰেমী ব্যক্তি উপস্থিত থাকি বক্তব্য ৰাখে।