জুবিনৰ সংগীতানুষ্ঠানত ভয়ংকৰ ঘটনা
ৰঙিলী বাৰ্ত্তাসেৱা- জুবিনৰ সংগীতানুষ্ঠানত ভয়ংকৰ ঘটনা। জুবিন গাৰ্গৰ সংগীতানুষ্ঠানত বৰদৈচিলাৰ কালৰূপ। জুবিন গাৰ্গে মঞ্চত গীত পৰিৱেশনৰ পূৰ্বে বৰদৈচিলাই উৰুৱাই নিলে পেণ্ডেল। আবদ্ধ হৈ পৰিল জুবিন গাৰ্গৰ সংগীত অনুষ্ঠান উপভোগ কৰিব অহা দৰ্শক। ধুমুহাৰ ফলত পেণ্ডেলৰ ৰভা আৰু মঞ্চ দৰ্শকৰ ওপৰত ভাঙি পৰিল। ৰভা ভাঙি পৰাত আবদ্ধ হৈ পৰিল প্ৰায় হাজাৰ-হাজাৰ দৰ্শক।তাৰ পিছত স্থানীয় লোক, জুবিনৰ অনুষ্ঠান সম্প্ৰচাৰ কৰিব যোৱা সাংবাদিক, ভিডিঅ’ সাংবাদিক আৰু বিহু উপভোগ কৰিব অহা লোকৰ তৎপৰাত উদ্ধাৰ হৈ মহিলা-শিশু সকল। বৰদৈচিলাৰ কালৰূপত কিছু মহিলা আৰু শিশু আহত হয়। আহত শিশু জানমণি দাস, মহিলা বনলতা মেধি ,পাৰ্বতী দাস, প্ৰিয়ংকা কলিতা আৰু দীপা ঘোষ। গুৰুতৰভাৱে আহত বনলতা মেধিক আজাৰা প্ৰাথমিক চিকিৎসালয়ৰ পৰা GHMCত ভৰ্তি কৰা হয়।