উতলা ফাগুনে আনে বসন্তৰ আলোড়ন
যমুনা দুলু বৈশ্য
শুৱালকুছি
ফাগুন আহিলে শিমলু , পলাশ মদাৰে
বাউলী হৈ চৌদিশ ৰাঙলীৰে
সৰাপাতৰ দলিচা পাতে ।
উতলা ফাগুনে আনে পোহৰ ছাঁ
পছোৱাৰ বা লাগি আশাৰ পানচৈত বাসনাৰে
উটুৱাই লৈ জীৱনৰ মেৰপাকৰ সুখ-দুখৰ যাত্ৰা ।
নঙঠা হৈ গছৰ ডালে পাতে
ধূলিয়ৰি বাটেৰে সাজি-কাচি ন সাঁজ পিন্ধি
ন ৰূপ সজাই কুহিপাতে চমক লগাই ।
প্ৰতিপলে ফাগুনে উদাসীন মনত মিলন
বসন্তৰ আলোড়নেৰে সজীৱ কৰি
দেহ- প্ৰাণ জুৰুৱা পুলকিত স্বস্তিৰ নিশ্বাস ।