আমাৰ প্ৰেম
জেতুকা বুলীয়া দুহাতেৰে তোমাক মোৰ ওচৰলৈ মাতিম
চকুত চকু থৈ সুখ দুখৰ এষাৰ কথা পাতিম
মোৰ হাঁহিতে হাঁহিটি মিলাই তোমাক
চিৰ জীৱনৰ কাৰণে নিজৰ কৰি লম
জনম জনমলৈ তোমাৰ হৈয়েই থাকিম
তুমি যিমানেই অভিমান কৰি আতৰিব চেষ্টা কৰিবা
মোৰ মৰমবোৰ আৰু দুগুণে বৃদ্ধি হ’ব
তুমি প্ৰাপ্তিৰ হাঁহিত নিজকে বিলীন কৰি দিবা
আৰু সুধিবা ………..!!
কাৰ প্ৰেমত পৰিছা এইবেলি ……..!!
মই কম ……..!!
হৃদয়ৰ ঠিকনা বিচাৰি
প্ৰতিপল তোমাৰ কাষত , তোমাৰেই প্ৰেমত পৰোঁ
তোমাৰ নামত নিশা উজাগৰে কবিতা ৰচোঁ
জানোচা আমি হ’ব পাৰোঁ
সফল প্ৰেমিক প্ৰেমিকা
আকাশৰ জোনবাইয়েও আমাৰ প্ৰেমক সম্ভাষন জনাব….!!
আৰু আৰ্শীবাদ দিব
আমাৰ প্ৰেম হেনো …..!!
মমতাজ আৰু ছাহজাহানৰ দৰে উজলি থাকিব ।
জেফলিন চুলতানা (নগাঁও)