সঁজাল ধৰা ৰোপিত শইচ
পথাৰখনলৈ বুলি চকু ফুৰালেই
এতিয়া কেৱল দেখা পাওঁ
সঁজাল ধৰা ৰোপিত শইচ
সেউজী আভাৰে জিলিকি উঠা
সৌন্দৰ্য্যৰ চমকনি পৰি
হৃদয়ত বাজি উঠে
সপোনৰ এটি বিকট কিৰিলী
সৰু সৰু আলিবোৰৰ মাজত
ঠন ধৰি উঠা সেউজ কঠিয়াবোৰেই
সঁজাল ধৰে জোপোহা আকাৰে
ক্ৰমান্বয়ে বাঢ়ি গৈয়েই থাকে
সেউজীয়া বৰণেৰে আৱৰি ধৰা
সৌন্দৰ্য্যৰ সেই বিমুগ্ধ চাৱনি
প্ৰতি বছৰে সেউজী কাহিনী লিখা
কেঁচা পথাৰখনেই
আনি দিয়ে ধৰাৰ বুকুলৈ
সোণোৱালী সপোনৰ
সোণোৱালী সোণগুটি
কেঁচা মাটিৰ পৰশে নকৈ জীপাল কৰি তোলে
সঁজাল ধৰা ৰোপিত শইচৰ কাহিনী ,,,, ।