যন্ত্ৰ মানৱ
সন্দেহ হয়
আমি প্ৰত্যকেই যেন
একো একোটা যন্ত্ৰ মানৱ
মেমৰিত স্থিৰ কৰি ৰখা প্ৰগ্ৰামানুসৰি
সময়ৰ লগত চলি আছে জীৱন
মন-গণিতৰ জটিল গণনাত
লাভ-লোকচানৰ মাজেৰে চলি থকা
আৱেগ, অনুভূতি, সহানুভূতিহীন
একোটা জীৱন
টিভি অথবা কিশোৰৰ এণ্ডªয়ড মোবাইল ফোনৰ স্ক্ৰীণত
ভাঁহি থকা কাৰ্টুন কেইটাৰ দৰে
দৌৰিব লাগে, দৌৰি আছো
কেৱল দৌৰি আছো
ভিৰৰ মাজতো ইমান নিসংগ আমি
নিস্তব্ধতাৰ মাজতো মন মগজুত
কিহৰ ইমান কোলাহল
ডিজিটেল যুগৰ আমি
পলকতে
সাত-সাগৰ সিপাৰৰ খবৰ নখ-দপৰ্ণত
অথচ
কোঠাটোৰ ভিতৰতে আমি
ইজনৰ খবৰ সিজনে নেজানো।
ড০ ৰাস্না ৰাজখোৱা
জামুগুৰিহাট, শোণিতপুৰ, অসম-৭৮৪১৮০
ফোন নং- ৯৮৫৪৪৯২৩২৬